Bakgrunn

Vekst i Hareid skal identifisere det som er unikt i Hareid kommune og målretta jobbe for å bygge attraktivitet på dette. Både næringslivet og plassen vi bur på, har unike kvalitetar som vi skal løftes fram. På denne måten vil vi bygge eitrobust samfunn som er berekraftig over tid.

Utviklingsmoglegheiter

Tradisjonelt har Hareid alltid hatt ei nær tilknyting til havet, gjennom både fiskeri og fangst. Som ei viktig brikke i ishavsnæringa og som ei betydelegfiskerihamn har Hareid lange tradisjonar og mykje erfaring knytt til havet. Den maritime næringa har også i stor grad prega bedriftene våre. Likevel ser vi at omstillingane opp gjennom tidene har vore tøffe, og tradisjonar og kulturar har nærmastdøydd ut fordi einikkje har evna å vere med når marknaden snur. Med den tilgangen Hareid har til havet – ogmws ei kystlinje som dei fleste berre kan misunne oss, har vi store forutsetningar for å bruke havet meir i næringsaktivitet i framtida.

På Hareid har vi bedrifter som konkurrerer i ein internasjonal marknad og nokon av dei er verdsleiande på det dei driv med innanfor si nisje. Dette er heilt unikt, men dessverre inga sjølvfølgje. Konkurransen er knalltøff, teknologiutviklinga går raskt og bedriftene må legge ned enorm innsats for å haldeein slik posisjon. Tilgang på kompetent arbeidskraft er kanskje næringslivet sitt største hinder for vekst i framtida.

For at bedriftene i Hareid skal tiltrekkje seg den kompetansen dei treng, må Hareid også vere ei attraktiv bukommune. Dette er Hareid kommune sitt ansvarsområde, men fordi det heng tett saman med dette prosjektet har ein valt å ta det inn som ein del av Vekst i Hareid. Saman skal vi jobbe for at Hareid blir attraktivt både for å drive næring og som busettingskommune. Hareid ligg berre 30 minutt frå Ålesund, som er vekstmotoren i regionen vår, og representerer eit knutepunkt i ein kraftig verdiskapande region.

Mål og innsatsområder

Hovudmålet er auka sysselsetting og verdiskaping i Hareid kommune. Prosjektet er bygd opp av eithovudmål som seier at Vekst i Hareid skal bidra til å legge grunnlaget for næringsutvikling og auke verdiskapinga i bedriftene. Prosjektet skal bidra til å skape og sikre eksisterandearbeidsplassar, styrke robustheita og variasjonen i næringslivet, samt auke utviklingsevna i næringslivet og kommunen.

Vekst i Hareid er næringslivet og kommunen sitt felles organ for nærings- og samfunnsutvikling. Prosjektet er organisert med einprosjektleiar og eit styre beståande av personar meg høg kompetanse frå næringslivet. I styringsgruppa sit også observatørarfrå kommunen, fylkeskommunen, næringsforumet og Innovasjon Norge.

Mer informasjon

For meir informasjon om prosjektet sjå www.vekstihareid.no.

Kontakt

Har du spørsmål til Vekst i Hareid? Ta kontakt med:

Julie Sundgot Andersen
Prosjektleiar
Mobil: +47 993 81 006
E-post: jsa@hareid.kommune.no